شاعر اهل البيت الاديب حسن
هادي الكاظمي
06\04\21011
ون بيدي القلم ونات مخفيه
شِهَدْت إجروح والام وأذيـه
تاريـــخ إنكتب وتشهدها اقــــــلام
وكاســـات الصبر طافن سواجيــه
يصب حبر القلم دمعـــات دمعـــات
وبيوت الشعــــر ناحن قوافيـــــــه
حگها الروح لو تفرش هالهمــــــوم
وحكها العين لو دمعتهـــا مغليــــه
فطنــه عالحزن من هزّت الكاروك
وشْربنــه الحليب ابدمعــه مسگيه
ونّـــات وتطر وسط الگلب نشّــاب
تون ون الجتيـــل الغاضريـــــــــــه
ساحــــــة كربلـه خلْ نعتني إلهــا
وانشوف السمـــه والگاع مدميــه
والدمعـــه تسيل ابدالهــا دمــــوم
جرح ينزف بعد والصرخه مـــــدويه
صرخات وبگت اسمعهـــــــا بالدوار
وكل بگعه صفت مفجوعه مسبيـه
تناشد يالاهل چاوين عجل رحتــــو
وحشــــه الگاع انه بليـاكم اخليّـــه
يالتسمع ونيني اتنادي بالنخــوات
جالت تربتـي اقـــزام قمعيــــــــــه
عله ترابي سفح دم الشهيـــد اليوم
بشريــان الشهامه دمــوم مسگيـه
عله جروح الطفوف انطوف وانطوف
عله جناح الحزن أهاتي مطويـــــه
جم هم وهضم جم دمعــــه بالعين
ارش جرحي ملح واتلاوه لمنيــــــه
يصب دمعي نهر عالوجنه طشــاره
وچم بيـرغ نزف بأيدين راعيـــــــــه
شفت طف كربلـه بالعيـن يالوادم
حقيقه و مو خيال ابصوره مـــــرئيه
صرخة ياحسين چم عابس اينـادي
صدور امفرعـه وابعشگه محميــــه
ورْصاص الغدر يتعنه من كل صوب
وكل جرمــه هتف ونــاده حريــــه
بگلب مجروح همومه شايل ويهتف
لاسنّـــه صرخ لا گــال شيعيــــــه
وابأيـــده ورد شايلهـــــا متعنــــي
وسفه المستلم شمعرفـه شنهيـه
المايملك شرف شمفهمه بالاحساس
ويشـوف الورد بعيونـــه توثيـــــــه
والاعمه گلب شتترجه من عنــده
عقله من حجر وعيونـــه معميــه
لو يفتي فتــاوي بالفتن وارهــــاب
بس جور وقتل واحكام وحشيـــه
لـكْسر كل قلم ايشـــوف مايحجي
عن هاي المجازر تجري يوميــــــه
عن هاي المظــالم ظلت تعــــاني
اناشد كل قنــــاة وكل فضائيـــــه
اريد اكسر حجاب الصمت وسكونه
واريد اسأل ضماير ميته لــــو حيه
ولوْ ادري ابـد ماعدكـم ابكل حال
بعتوها ولبستو العــار بوشيـــــه
سويتو درع يا اخنث الاخنـــــــــاث
يقتل بالشعب ويكــول قوميـــــه؟
والمن هالدرع سويتو يا انــذال؟
درع خــزي العرب والناصبيـــــــه
مو كافي جذب ويه الدجل عالناس
ودروع الخيانـــه إنتو راعيـــــــــه
يا درع الذي يحميها هاي النــاس
ومصالحكم تصب بجيوب غربيه
يمن بعتو وطنكم بأبخس الاثمان
وخنتو هالشعب أبأعمال مخزيـــه
لامريكـــــا حليفت بنـي صهيـون
سجلتـو عمــــاله ميـــه بالميـــه
وما الوم الكــال عنكم سرسريـه
رعبكم انعرف من ساحـة الــدوار
شبح موت الخليفــه صار ليليــه
شوهتو ابفتاوي قذره يا انصــاب
وخالفتو الكلام الباري ونبيـــــــه
ضنيتو بجهلكم هالشعب غافـــل
وفضايحكم ملت اركان هالدنيــه
دِ ظلّو بهل عقل يحمل تفاهـــات
عرفنـــاكم نسل هند وبني اميـه
أسَمْعَكْ صرخة الدوّت سمه والكاع
معقوده بكرامـه وصادقه النيـــه
من والد شهيد هالصيحه مرفوعه
گلب ام الشهيد ابنــــار مجويـــه
للذله ابــــــد لا گلنـــه لاهيهـــات
ومن طف كربله هالصرخه مدويه
مانقبل مذله وعيشــه بالعـــــــار
احرار ورفضنـــه كل عبوديـــــه
وحك دم الحسين المانشف للساع
مانرضخ وعدنه الموت حريـــــــــه
انعيش ابكرامـــــه والأجل واحـــــد
وياويله الذي ايموت يوميــــــــــــه
وياويله الذي ايموت يوميـــــــــــــه